سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
هەواڵ
لە رواندوز رۆژی جیهانی هۆشیاركردنەوە لە مین و پاڵپشتیكردنی كاروباری مین بەرز راگیرا


سێ‌ شەممە 4 نیسان كە ناسراوە بە رۆژی جیهانی هۆشیاركردنەوە لە مین و پالپشتی كردنی كاروباری مین بەرێوەبەرایەتی گشتی كاروباری مین/هەولێر لە حامیەی رواندوز مەراسیمێكی بۆ بەرز راگرتنی ئەم یادە ئەنجامدا، لە مەراسیمەكەدا (جمال جلال )، بەرێوەبەری گشتی كاروباری مین/هەولێرو خاتوو (كوێستان ئەحمەد) قایمقامی قەزای رواندوز و ژمارەییەك لە بەرێوەبەرو بەرپرسانی ئیداری سۆران و رواندوز و نوێنەری رێكخراوو كۆمپانیاكانی بواری پاكسازی مین كە لە ناوچەكەدا كاردەكەن ئامادەبوون، سەرەتای مەراسیمەكە بە ساتێك وەستان بۆ گیانی پاكی شەهیدان و قوربانیانی مین و تەقەمەنی لە كوردستان دەستی پێكرد، پاشان لە ووتەیەكیدا (جمال جلال) بەرێوەبەری گشتی كاروباری مین/ هەولێر ئەم یادەی لە تەواوی پیشەگەران و كارمەندانی مین پیرۆز كردوو تیشكی خستە سەر گرنگی یادەكەو رۆل و كاریگەری كارەكانیان كە لە بواری پاكسازی مین لە ناوچەكەدا ئەنجامیان داوە. هەروەها داواشی كرد كە حكومەتی هەرێم زیاتر هاوكاری و پاڵپشتی بەرنامەی كاروباری مین لە كوردستان بكات و چاویش بە پاشەكەوتی مووچەی فەرمانبەران و پیشەگەرانی مین دابخشێنێتەوە، چونكە ئەوانیش رۆژانە لە كاتی كاركردن وەك پێشمەرگە ژیانیان لە مەترسیدایە. پاشانیش لە ووتەیەكیدا كە بەم بۆنەیەوە پێشكەشی كرد (كوێستان ئەحمەد) قایمقامی قەزای رواندوز تیشكی خستە سەر كێشەی مین لە ناوچەكە، كە بەهۆی ئەو شەڕو نەهامەتیانەی لە رابردوودا بەسەر كوردستاندا هاتوون ڕووبەڕووی بۆتەوەو بەهۆیەوە ژمارەیەكی زۆری هاووڵاتی بوونەتە قوربانی، هەروەها پاڵپشتی خۆشی بۆ كارەكانی دەزگای مین لە ناوچەكە دەربڕی و ئەو یادەی لە پیشەكەرانی مین پیرۆزكرد. هەر لە مەراسیمەكەدا خەڵاتی رێزلێنان بەخشرایە ژمارەییەك لە قوربانیانی مین و ئەو كارمەندانەی كە بەشێوەیەكی سەركەوتوو كارەكانیان ئەنجامداوە، پاشانیش لە پێشانگایەكدا تەواوی كارو چالاكی و ئەو كەل و پەل و پێداویستیانەی كە رۆژانە تیمەكانی مینلابەری و هۆشیاركردنەوە لە بەرێوەبەرایەتی گشتی كاروباری مین/هەولێر بەكاریان دەهێنا بۆ ئامادەبووان نمایش كران.




05/04/2017
بابەتی زیاتر...
       
© Copyright 2016 All Rights Reserved.
Telerik For IT Solutions