سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
هەواڵ
سەرۆكی دەزگای گشتی كاروباری مین داوایەك ئاڕاستەی هاوڵاتیان دەكات

سەرۆكی دەزگای گشتی كاروباری مین  داوایەك ئاڕاستەی هاوڵاتیان دەكات
17\9\2017یەك شەممە
بەپێی ئاماری شەش مانگی یەكەمی ساڵی 2017ی دەزگای گشتی كاروباری مین  رێژەی بەركەوتووانی مین و تەقەمەنی لە هەرێمی كوردستان (10)هاوڵاتی بووە،كە (6)كەسیان بەوهۆیەوە گیانیان لە دەست داوە، سەبارەت بە هۆكاری بەركەوتووان بە مین  بەرێز محمد ئەحمەد سەرۆكی دەزگای گشتی كاروباری مین  لە لێدوانێكدا بۆ ماڵپەڕی(دەزگای مین) ڕایگەیاند"لە هەرێمی كوردستان بەشێكی زۆر لەناوچە گرنگ و ستراتیژییەكان  و نزیك شوینی نیشتەجێ بوون بە مین  و تەقەمەنی پیسكراون كە هۆكاری سەرەكین لە زیادبوونی قوربانیانی مین  و تەقەمەنی، بەشێكی تریش لە هۆكاری زیادبونی رێژەیی قوربانیانی مین  باپەند نەبوونی هاوڵاتیانە بە رێنماییەكانی  دەزگای مین "
سەبارەت بە دانانی هێماو و رێنمایی لە شوێنە مەترسیدارەكان ناوبراو گوتی" لەسەرجەم ناوچە پیسبووەكانی كوردستان  وەك دەزگای گشتی كاروباری مین  هێمای ئاگادار كردنەوەمان داناوە، بۆ ئەوەی هاوڵاتیان  ئاگادار بن  و نزیكی ئەوناوچانە نەكەون، بەڵام هاوڵاتی هەیە  پابەند نابێت و گیانی خۆی دەخاتە مەترسی بەتایبەت كۆچەرییەكان  و ئەوانەی لەوەرزەكانی ساڵ بۆ گژوو گیا سەردانی ناوچە مەترسیدارەكان دەكەن بەشێكی زۆری قوربانیان  لەوانەن،
بۆیە وەك سەرۆكی دەزگای مین  داواكارم هاوڵاتیان وریاییانە مامەڵە لەگەڵ ناوچە مینڕێژكراوەكان بكەن و بەهیچ شێوەیەك  نزیكی ئەو شوێنانە نەكەون تا لەلایەن  تیمەكانی دەزگاوە پاك دەكرێنەوە چونكە مین و تەقەمەنی دوژمنێكی شاراوەی مرۆڤە "
جێگەی ئاماژەیە لە ساڵی 2016 ئاماری قوربانیانی مین  و تەقەمەنی(41)قوربانی بووە لەو رێژەیە(16)كەسیان گیانیان لە دەست داوە و (25)كەسی تریش بریندار و كەم ئەندام بوون،
هەرێمی كوردستان بەهۆی بوونی شەڕی هەشت ساڵەی عێراق و ئێران و هەروەها بۆ لە ناوبردنی شۆرشەكانی باشوری كوردستان لەلایەن حكومەتی عێراق بەشێك لە ناوچەكانی بە مین و تەقەمەنی پیسكردووە سەرجەمی ناوچەی مەترسیدارن و بۆ ژیان ناشێت،  بەوهۆیەوە هەزاران هاوڵاتی كوردستان بوونەتە قوربانی مین  و تەقەمەنی، دوای هاتنی رێكخراوی تیرۆرستی داعش بەشێكی تر لە ڕووبەری كوردستان بە بۆمب و تەقەمەنی پیسكراوە، بۆیە تیمەكانی مین لابەری و پوچەڵكردنەوەی بۆمب و تەقەمەنی لەسەرجەم ناوچەكانی كوردستان  سەرقاڵی پاككردنەوەی ناوچە پیسبووەكانن لە مین و تەقەمەنی و بۆمبی چێنراو لە پێناو پاراستنی گیانی هاوڵاتیان.



17/09/2017
بابەتی زیاتر...
       
© Copyright 2016 All Rights Reserved.
Telerik For IT Solutions