سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
چاوپێکەوتن
ئەو پیشەگەرانەی مامەڵە لەگەڵ مەرگ دەكەن

ئەو پیشەگەرانەی مامەڵە لەگەڵ مەرگ دەكەن
بۆ ئەوەی ئاشنا بین  بە ژیان  و گوزەرانی پیشەگەرانی مینلابەری لە كوردستان و مەترسی و ترسناكی پیشەكەیان  چاوپێكەوتنێك لەگەڵ مینلابەر(سدیق رەحیم  حەمەد ئەمین)ئەنجامدراوە لە گۆڤاری فریای تایبەت بە  كاروباری مین كە لە كاتی ڕاپەڕاندنی ئەركەكەی رووبەرووی  كارەسات بوویتەوەو بریندار بووە بەهۆی پیشەكەیەوە.
*كەی و لە كوێ لە دایك بووی؟
-لە ناحیەی سیدەكان سەر بە قەزای سۆران   لە ساڵی 1971 لە دایك بووم و ئێستا دانیشتووی شاری سۆرانم 
*خێزانت پێكهێناوە 
-بەڵی خێزاندارم و خاوەنی شەش منداڵم و كەسێیان قوتابین  و ئەوانی تریش تەمەنیان بچوكن
*جگە لە تۆ هیچ سەرچاوەیەكی تر هە یە كە بژێوی ژیانتان دابین  بكات ؟
-نەخێر تەنها من سەرچاوەی بژێوی خێزانەكەمم
*پێش ئەوەی بێیتە ناو كاروباری مین چ كارێكی ترت دەكرد.؟
-خەریكی كرێكاری بووم
*كەی هاتوویتە ناو كاروباری مین ؟بۆچی ئەو بوارە پڕمەترسیەت  هەڵبژارد؟
-لە 11\10\2002وەك مینلابەر لەو بوارە  دەست بەكاربووم  ئەگەر چی دەمزانی ئەو بوارە سەختە بەڵام بۆ دابین كردنی  بژێوی ژیانی خێزانەكەم ئەو بوارەم  هەڵبژارد.
*ئایا هیچ خولت لەم بوارە بینووە ؟ئەگەر بینیوتە چەند خول و چ خولێك بوو  
-خولی مینلابەری بنچینەی و خولی لەناوبردنی تەقەمەنی نەتەقیوو سەرەڕای شارەزابووون لە كاری سەگی میندۆزەرەوە ئەم خولانەم بینیووە
* كەی و لەكوێ توشی كارەساتی  مین بوویت؟
-لە ڕێكەوتی1\6\2008 لە كێڵگە مینی(رەبیەی دانەمێگەلە)لەسەر چیای زۆزك لە ناحیەی دیانا سەر بە قەزای سۆران   كاتێك سەرقاڵی برینی داربووم  لەناو رێچكەی پاككردنەوە بەهۆی مشارێكی دەستی لەناكاو مینەكە كە لە جۆری(POMZ)بوو تەقیەوە و منی فرێداپشتەوە و دەستێكم زۆر بە سەختی برینداربوو،بەڵام  لەبەر ئەوەی  كەلو پەلی خۆپاراستنم زۆر بەتەواوی و بەپێی یاساكانی سەلامەتی مین  پۆشیبوو،بۆیە بەشەكانی تری جەستەم بریندار نەبوون،
*لە ئێستادا تەندروستیت چۆنە؟
-دوای سوپاس و ستایش بۆ خوای گەورە ئێستا تەندروستیم  باشە  لەگەڵ ئەوەی دەستم  زۆر بەسەختی برینداربوو بەڵام لەرێگەی چارەسەری سروشتیەوە سەرقاڵی چارەسەركردنی دەستمم
*دەزگای مین  هەڵوێستی چۆن  بوو بۆ فریاكەوتن و چارەسەركردنت
-زۆر سوپاسی بەرێز سەرۆكی دەزگای گشتی كاروباری مین  و هەموو كارمەندانی ئەو دەزگایە دەكەم لە هەولێر و سۆران   كە هەڵوێستیان  زۆر باش بوو   ئامادەبوون بۆ هەموو هاوركاریەك  و چارەسەرێكی پێویست  لە ناوەوە دەرەوەی هەرێمی كوردستان  ،ئەمەش بووە مایەی دڵخۆشی من  و دەستەی خێزانەكەم 
*پیشەی مین پاكی چۆن دەبینیت  و چۆن  بەراوردی دەكەیت لەگەڵ پیشەكانی تر؟
-هەرچەندە كارێكی مرۆڤایەتی و خێرە، چونكە ئێمە كە مینێك یان تەقەمەنیەك لە ناو دەبەین  ژیانی  چەندەها كەسی تر رزگار دەكەین بەڵا ترسناكترین  و مەترسیدارترین  كارە ،ئەوانەی  لە م بوارەدا كار دەكەن هەمیشە رووبەرووی مەترسی مەرگ دەبنەوە، چونكە مامەڵە لەگەڵ دوژمنێكی  نادیار دەكەن، جیاوازیەكی زۆری هەیە لەگەڵ  پیشەكانی تر، چونكە ئەمەكارێكی ترسناكە و هەردەم مەرگی خۆمان لەبەرچاوە و هەموو كەس ئەوكارە ناكات .
*لەكاتێكدا تۆ برینداربوویت  هەستت چۆنە بۆ ئەوكارە؟
-دڵخۆشم و شوكرم  چونكە لە رێگەیەكی  راست و مرۆڤایەتی و لە پێناو بژێویی ژیان و كوردستان وام بەسەر هاتووە.
*دوای چاك بوونەوەت دەگەرێتەوە سەر پیشەی مینلابەری؟
-بەڵی دوای چاك بونەوەم  دەگەرێمەوە سەر هەمان پیشە لەبەر ئەوەی لەگەڵ ئەوكارە  لێ ڕاهاتووم  و هەروەها هیچ كارێكی تریشم نیە.



24/09/2017
بابەتی زیاتر...
1
       
© Copyright 2016 All Rights Reserved.
Telerik For IT Solutions