سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
چاوپێکەوتن
​​رێكخراوەكانی بواری كاروباری مین رۆڵی یەكجار گەورەیان بینیووە لە كوردستان

رێكخراوەكانی بواری  كاروباری مین  رۆڵی یەكجار گەورەیان بینیوەلە كوردستان
بەمەبەستی ئاشنابوون بە دواین  كارو چالاكی و پرۆسەی پاكسازی مین  لە هەرێمی كوردستان ئەو گیرو  گرفتانەی دێنە بەردەم پرۆسەكە و چۆنیەتی دۆزینەوەی چارەسەرییەكان  ماڵپەڕی دەزگای مین  بە پێویستی زانی چاوپێكەوتنێك لەگەڵ بەرێز(محمد ئەحمەد ئیسماعیل) سەرۆكی دەزگای گشتی كاروباری مین  ئەنجامبدات.بەخۆشحاڵیەوە وەڵامی پرسیارەكانی دایەوە.
-پێگە و ڕۆلی دەزگای مین  لە حكومەتی هەرێم  چی یە؟
+ دەزگای گشتی كاروباری مین، یەكێكە لە دامەزراوەكانی حكومەتی هەرێمی كوردستان،بە ئەنجومەنی وەزیرانەوە بەستراوەتەوە، بەپێی یاسای ژمارە (10)لەساڵی 2007بەفەرمی دامەزراووە، لە ئێستادا (6)بەرێوەبەرایەتی  گشتی  هەیە كە بریتین لە بەرێوەبەرایەتی گشتی كارگێڕی و دارایی كە لەڕووی كارگێڕی و داراییەوە پاڵپشتی بەرێوەبردنی دەزگا دەكات، هەروەها  بەڕێوەبەرایەتی  گشتی كاروباری تەكنیكی، كە لەڕووی تەكنیكییەوە سەرپەرشتی  و چاودێری جێبەجێكردنی كاروباری مین  دەكات،هەروەها (4)بەرێوەبەرایەتی  گشتی لە پارێزگاكانی  (هەولێر، سلێمانی، دهوك، ئیدارەی گەرمیان) هەیە، كە وەك سەنتەری  كاروباری مین دادەنرێن بۆ جێ بەجێ كردنی كاروچالاكییەكانی كاروباری مین
- رووبەری پیسبوو  لە هەرێمی كوردستان بە گشتی چەندە؟
+ بەپێی ئەو ڕووپێویانەی  ئەنجامدراوە لە رابردوودا لە هەرێمی كوردستان نزیكەی (776)میلۆن مەتر دوجا زەوی پیسبوو هەیە لە كوردستان لە ماوەی (25)ساڵی ڕابردووش كاری باش كراوە لەناوچە پیسبووەكان، كار كراوە لە سەر پاككردنەوەو كەم كردنەوەی ئەو رووبەرە پیسبووە،  لەئێستادا(210)میلۆن مەتر دوجا ماوە پاك بكرێتەوە كە دەكاتە %35ی ڕووبەری پیسبوو.
-لەو ڕووبەرەدا  لە سەدا چەند پاككراوەتەوە؟
+بە هەوڵی بەردەوامی دەزگای گشتی كاروبار مین و رێكخراوە ناوخۆیی و نێو دەوڵەتیەكان لە ماوەی رابردوو توانراوە ڕووبەری %65پاكبكرێتەوە.
-ژمارەی مین و تەقەمەنی كە دەزگا هەڵی دەگرێتەوە چەندە تا ئێستا؟
+لە كاری مین و تەقەمەنی بنچینەی پاكسازی لەسەر بنەمای مین و تەقەمەنی هەژمارناكرێت بەڵكوو لەسەر بنەمای  مەتر دووجا هەژمار دەكرێت، واتە دەبێت بگوترێت ئەوەندە مەتر دوجا پاككراوەتەوە نەك ئەوەندە مین و تەقەمەنیە هەڵگیراوەتەوە، بۆنموونە جاری واهەیە لە مەتر دوجایەكە  دوو تا سێ یان زیاتر مین  بدۆزیتەوە جاری واش هەیە  لە 20مەتر دووجا مینێك نادۆزیتەوە، لەبەر ئەوەی ئەو كێڵگە مینانە بەشێكی شێوێنراون، و دەستكاری كراون بەشێكی كەش و هەوا تێكی داون، بەشێكی بە نا ئەندازەیی دانراوە ئێمەش نەخشەی حكومەتی عێراقی پێشوومان لەبەردەستدا نەبووە تاوەكوو بەوردی  بزانین سنوری كێڵگە مینەكە چۆنە، بەڵام ئەوەی مەزەندە كراوە لە هەرێمی كوردستان  حكومەت یەك لە دوای یەكەكانی عێراق نزیكەی(7)میلیۆن مینیان لە  هەموو ناوچە جیاوازەكانی كوردستاندا چاندووە، لەپاڵ مینیش ئێمە پاشماوە جەنگیەكانمان هەیە كە ئەوەش ئەركی ئێمەیە و كارمان لەسەری كردووە كە لە فیشەكێكی دەمانچە خۆی دەبینێتەوە تا دەگاتە رۆكێتێك و ناپاڵمێك كە لەبەر ئەوەی كوردستان شەرگە بووە بۆیە پاشماوەی جەنگی زۆر بەجێماوە لەو ناوچانە، و ئێمەش بەردەوام  بە دەیان هەزار پاشماوەی جەنگیمان لەناومان بردووەن وپوچەڵمان كردوونەتەوە.
-قوربانیانی مین و تەقەمەنی لە هەرێمی كوردستان گەیشتۆتە چەند؟
+قوربانیانی مین  بە گشتی ئەوەی ئێمە تۆمارمان كردووە نزیكەی (14)هەزار دەبێت، بەڵام حەتمەن رێژەكە زۆر لەوە زیاترە لەبەر ئەوەی سەرەتای نەوەدەكان ژمارەیەكی زۆری هاوڵاتی بونەتە قوربانی و  تۆمارنەكراون لەناو ئامارو داتابەیسەكانی ئێمە، سەبارەت بە كارمەندان  و فەرمانبەرانی مینلابەری دەزگا و رێكخراوەكان بە گشتی ژمارەیەك قوربانیمان هەیە  كە خۆی لە (135)كەس دەبێنیتەوە كە لەو ژمارەیەش (45)كەس گیانیان لە دەستداوە (95)كەسیش برینداربووە.
-هۆكاری سەرەكی چیە كە هاوڵاتی دەبنە قوربانی مین  تەقەمەنی؟
+هۆكارەكەی زیاتر دووبەشە ئەوانەی لەسەرتا لە دوای راپەرینەوە  بەتایبەت دوای 1992بوونەتەقوربانی بەشێكی ئەوەبووە ئەو كێڵگە مینانە دیارنەبوون و دەست نیشان نەكراوەن و نیشانەی ئاگاداركردنەوەی لێنەبووە خەڵك و هاوڵاتی نەیزانیووە كێڵگەی مینە، هەروەها دوای نەوەدەكان  بەهۆی ، نەبوونی و برسیەتی خەڵكێكی زۆر ڕووی دەكردە ئەو ناوچانە بۆ دارهێنان و دۆزینەوەی ئاسن و فافۆن، بۆ بژێوی ژیانیان بوونەتە قوربانی، كەمینەیەكیش چونەتە ئەو شوێنانە بۆ ئەوەی مینەكان بهێنەوە و بازرگانی پێوەبكەن، هەروەها كەمینەیەكیشمان هەیە كە بونەتە قوربانی ئەوانیش  ئەوانەن كە لە دڵسۆزی خۆیان هەوڵیانداوە پاكسازی  مین بكەن و دەستان كردووە بە پوچەڵكردنەوەی مین و لە ئەنجامدا بونەتە قوربانی كە خەڵكی كوردستان  رۆڵێكی باشیان گێڕاوە بەڵام دیارە  بەپێی ستاندەرات كاریان نەكردووە و بونەتە قوربانی، بەڵام ئەوەی لەو ساڵانەی دوایدا بونەتەقوربانی و بەردەوامیشە لەگەڵ ئەوەی ئێمە  وەك دەزگای مین لە كوردستان  هەموو كێڵگە مینەكانمان دەستنیشان كردووە ونیشانەی ئاگاداركردنەوەمان  بۆداناون چ لەناو كێڵگە مینەكە چ لە پێش كێڵگە مینەكە، دیار و ئاشكرایە كە ئەو شوێنانە كێڵگەی مینە،بەڵام خەڵكی پابەند نابن بە رێنمایی  دەزگاوە كە دەشزانن ئەو شوێنە مینی لێیە و زۆر گوێی پێنادەن، بەتایبەت  لە وەرزی بەهاردا بۆ كۆكۆدنەوە و هێنانی ئەو سەوزەو  گژوو گیایەی بەهارە كە لە  كەژ و كێوەكانی كوردستان دەڕوێت و فرۆشتنەوەیان لە بازارەكاندا ئەوانەش ئەو خەڵكەن كە بوونەتە قوربانی مین و تەقەمەنی لە هەرێمی كوردستان. 
-ڕۆڵی رێكخراوە بیانی و ناوخۆییەكان چۆنە لە كاركردن لە كێڵگە مینەكان؟
+رێكخراوەكانی بواری مین  رۆلی یەكجار گەورەیان بینیوەلە كوردستان، پررۆسەی پاكسازی مین  لە كوردستان  لەسەرەتادا لەسەر دەستی ئەوان دەستی پێكردووە لە ساڵی 1992لەوكاتەی حكومەتی هەرێمی كوردستان دەزگایەكی نەبووە بەو ناوە بەڵكوو ئەوەی هەبووە رێكخراوە نێودەوڵەتیەكان  بووە و دەستیان بەو پرۆسەیەوە كردووە لە كوردستان، ئەوانەش بوونەتەسەرچاوەیەكی باش بۆ پاككردنەوەی خاكی پیسبووە هەروەها بۆ شارەزابوونی خەڵكێكی ناوخۆی باش لەوبوارە كە ئەزموون و شارەزایەكی زۆریان وەرگرتوووە لەوبوارە و رێكخراوەكان ئێستاشی لەگەڵ بێت رۆڵی گرنگ لەو بوارە دەگێڕن بۆ پرۆسەی پاكسازی مین و هاوكارێكی زۆر باشی ئێمەن، بەبەردوامیش لە هەوڵداین  كە كارەكانی ئەو رێكخراوە نێودەوڵەتیانە لە كوردستان  بەردەوام بێت. سیاسەتی دەزگای مینیش ئەوەیە كە ئەو رێكخراوانە بەردەوام بن لە كاری خۆیان چونكە قەبارەی پیسبوو لە هەرێمی كوردستان ئەوەندە زۆرە بە تەنها بە دەزگای گشتی كاروباری مین ناتوانین  بە چەندین  ساڵی تریش خاكی پیسبوو پاكبكەینەوە بەڵام ئەگەر هاوكاری و پاڵپشتی هەبێـت بە دڵنیایەوە زووتر دەتوانین شوێنە پیسبووەكان پاكبكەینەوە.
-هاتنی داعش و پیسكردنی روبەرێكی زیاتر لە خاكی كوردستان  كاریگەری بەسەر كارەكانی دەزگاوە هەبووە؟
+ هاتنی داعش بۆ ناوچەكە كاریگەری زۆر زۆری هەبوو بەسەر كارەكانی ئێمە چونكە ئێمە توشی قەیرانێكی  دارایی زۆر بووبوین ئەو هێزو توانایەی لەبەردەستماندابوو نەك نەماتوانی زیادی بكەین  بەڵكوو بەشێك لە تیمەكان و كاری دەزگا خرایە  سەر ئەو ناوچانەی كە لەژێر دەستی داعش ئازاد دەكرا.كاری دزگای زیاتر كرد بۆ دووئەوەندەی پێشتر، دەزگای مین   لەبەر گرنگی و پاراستنی گیانی پێشمەرگە و هاوڵاتیان خۆی دەستی بەكارەكانی كرد لەوناچانە، چەندین شەهیدمان دا لە ناوچەی زومار لەكاتی پرۆسەی پاكسازیكردنی بۆمب و تەقەمەنی .
-هاوكاری نێودەوڵەتی بۆ پاككردنەوەی ناوچە پیسبووەكان چۆنە بۆ دەزگا؟
+بەشێوەیەكی گشتی  باشبووە، چاوی وڵاتانی كۆمەك بەخش  لەو دووساڵەی رابردووە زیاتر بووە لەسەر ناوچەكانی ئازادكراو لەژیر دەستی داعش %90ی هاوكاری و پاڵپشتیەكان بۆ ئەوناچانە بووە. بەتایبەت پارێزگای موسڵ چاوێكی زۆری لەسەر بووە، هاوكاری باشیان كردووە بەرێژەی جیاواز لەو رووەوە وڵاتانی(ئەمەریكا - ئەڵمانیا –كەنەدا- هۆڵندا-  یابان- فەرەنسا ) هاوكاریەكانیان ڕاستەوخۆ نەداوە بەدەزگا بەڵكو داویانە بەو رێكخراوە نێودەوڵەتیانەی كە لەژێر رێنمایی سەرپەرشتی دەزگای گشتی كاروباری مین  لە هەرێمی كوردستان  كار دەكەن. و كارەكانیان ئەنجامداوە بەڵام  دەتوانین بلێین رۆڵی هاوبەشەكانمان  لە رێكخراوەكان و وڵاتانی كۆمەك بەخش زۆر باش بووە لەگەڵمان لە ناوچە ئازادكراوەكانی ژێردەستی داعش.
-داعش لەسەدا چەندی خاكی كوردستانی پیسكردووە؟
+ تا ئێستا ئامارێكی  ورد و پێویستمان لەبەر دەست نیە، لەبەرئەوەی ئەو سنورەی داعش هاتۆتە ناوی سنورێكی زۆر بەرفراوانە، ناوچەی جیاواز جیاوازیشە هەر لە رەبیعەوە تا دەگاتە خانەقین، لە دوساڵی رابردووشدا بە هۆی فراوانی سنورەكە  لەگەڵ ئەوقەیرانە دراییەی ڕووی لە هەرێمی كوردستان  كردووە، نەتوانراوە روپێویەكی سەرتاسەری لەو ناوچانە ئەنجام بدەین، تاوەكوو بە مەتر بزانین چەند مەتر زەوی پیسبوومان هەیە لە وناچانە،ئێمە لە پرۆسەی ئەوەداین لەگەڵ دۆنەرەكان ورێكخراوە نێودەوڵەتیەكانیش بۆ ئەوەی بتوانین رووپێویەك بكەین لەو ناوچانە بۆئەوەی بزانین  روبەری پیسبوو لەوناوچانە چەندە، بەڵام لەبەر حاڵەتی فریاكەوتن و پێویست و ئەو شوێنانەی كە لە پێشینەی بوون بۆ ئەوەی ئاوەرە بگەرێتەوەبۆی ئەوانەمان خستۆتە لە پێشینەی كارەكان، تیمی پاكسازیمان ناردووە بۆ ئەو شوێنانە و پاككراوەتەوە بەبەردەوامیش تیمەكان لە پاككردنەوەدان  لەوناچانە. ئیمە لەبەر ئەوەی حاڵەتەكە لەوناچانە زۆر ئیمرجنسی بووە بۆیە رووپێویی و پاكسازی پێكەوە ئەنجامدراوە لە حاڵەتی ئاسایی دەبێت رووپێوی بكرێت دواتر پاكسازی بۆ ئەنجامبدرێت، بەڵام ئێمە لەبەر حالەتی لەناكاو هەردوو كاری روپێوی و پاكسازیمان پێكەوە ئەنجامداوە.
-توانیوتانە كارەكان لە ئێستادا خێراتر بكەن بۆ زووگەڕاندنەوەی ئاوارەكان؟
+ئێمە وەك دەزگای مین  بەشێكی زۆری ئەوناچانەی كە ناوەندی شارۆچەكەو گوند بوون پاككراوەتەوە لە رەبیعەو سنونێ و زومار و مەخمور و خازر و بەعشیقە و داقوق و جەلەولا....هتد كاری زۆر باش كراوە تا ئەندازەیەك خەڵكێكی زۆری ئاوارەی بۆ گەڕاوەتەوە. ئێمە دەستمان  بەپرۆسەی دووەم كردووە لە دەرەوەی ناوەندی شارۆچكە و گوندەكان بەڵام كاری زۆر ماوە بۆی بكرێت لەو ناوچانە چونكە هەر شوێنێك داعش لێی بووبێت زۆربەی بە بۆمب وتەقەمەنی پیس كردووە كە ئەمەش كاری ساڵێك و دوان نیە بەو بڕە هاوكارییە كەمەش ناتوانرێت پرۆسەكە خێراتر بكرێت بەڵكوو دەبێت چ لەلایەن حكومەتی هەرێم و چ لەلایەن وڵاتانی كۆمەك بەخش بودجەی زیاتری بۆ تەرخان بكرێت بۆ ئەوەی پرۆسەكە بتواندرێت خێراتر بكرێت.
-لەدوای روداوەكانی 16ی ئۆكتۆبەری ئەوساڵ كاركردنی تیمەكان لە ناوچاكانی دەرەوەی ئیدارەی هەرێم بەردەوامە یاخود وەستاوە؟
+ لەدوای روداوەكانی 16ی ئۆكتۆبەر تا ئێستا ئێمە قسەی تیدادەكەین كاری تیمەكان  ڕاگیراوە لەو شوێنانە. بە حوكمی ئەوەی لەسەر ئەرز واقیعێكی تر هاتۆتە كایەوە بەشێكی زۆری ئەوناچانە هێزی پێشمەرگەی لێ نیە چونكە بەپێی رێكەوتنێك كە لەگەڵ بەرێوەبەرایەتی مینی بەغدا(DMA) هەر شوێنێك كەسنوری هێزی پێشمەرگەیە و هێزی پێشمەرگە كۆنتڕۆڵی دەكاتەوە لەبەر دەستی داعش و هێزی پێشمەرگەی لێیە كاری پاكسازی دەكەوێتە سەر دەزگای مین بەڵام لە ئێستادا پێشمەرگە لەو ناوچانە نەماوە بۆیە پرۆسەی پاكسازیش لەوناوچانە وەستاوە لە هەوڵی ئەوداین  لەوناوچانە دەست بەكار بكەینەوە لە پێناو گێڕانەوەی ئاوارەكان  بۆ زێدی خۆیان.



20/12/2017
بابەتی زیاتر...
1
       
© Copyright 2016 All Rights Reserved.
Telerik For IT Solutions