سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
هەواڵ
بەیاننامەی دەزگای گشتی كاروباری مین بە بۆنەی رۆژی جیهانی هۆشیاكردنەوە لە مین و پشتگیریکردنی كاروباری مین

 بەیاننامەی دەزگای گشتی كاروباری مین بە بۆنەی رۆژی جیهانی هۆشیاكردنەوە لە مین و پشتگیریکردنی كاروباری مین 

لە  رۆژی (8)ی كانوونی یەكەمی ساڵی (٢٠٠٥)دا كۆمەڵەی گشتی نەتەوە یەكگرتووەكان بریاڕیدا رۆژی (٤/4) بكاتە رۆژێكی جیهانی بۆ ”هۆشیاركردنەوە لە مین و پشتگیریكردنی كاروباری مین “ بۆ یەكەمین جار لە (٤/٤/٢٠٠٦)دا  لەلایەن رێکخراوی نەتەوە یەكگرتووەكان و زۆربەی ئەو وڵاتانەی كە گیرۆدەی كێشەی مین و تەقەمەنی پاشماوەی جەنگی بوون یادی ئەو رۆژە كرایەوە،لەو كاتەوە هەموو ساڵێك لەم رۆژەدا لە سەر ئاستی حكومەت و رێكخراوەکانی نەتەوە یەكگرتووەكان و رێكخراوە ناحكومییەكان بە ئەنجامدانی ژمارەیەک چالاكی یادی ئەو رۆژە دەكرێتەوە.
   لەم یادەدا دەزگای گشتی کاروباری مین پیرۆزبایی لە سەرجەم پیشەگەرانی كاروباری مین لە سەرتاسەری جیهان بە گشتی و لە هەرێمی كوردستان بەتایبەتی دەکات و هیوای سەرکەوتنیان بۆ دەخوازێت لەسەر ئاستی کەسی و پیشەیی.
دەزگای گشتی کاروباری مین وەک ئەرکی خۆی سەرەڕای قەیرانی دارایی بەردەوامبووە  لەکاروچالاکیەکانی بۆ  پاراستنی گیانی هاوڵاتیان و کەمکردنەوەی مەترسیەکانی مین و تەقەمەنی پاشماوەی جەنگی بە رادەستكردنەوەی كێلگەكان بە خاوەنەكانیان و بەکارهێنانیان بۆ کشتوکاڵ و پڕۆژەی خزمەتگوزاری بوژاندنەوەی ژێرخانی ئابووری،هەروەها دەزگا لەرێگەی تیمەکانی هۆشیارکردنەوەوە توانیوێتی سەدان هەزار هاوڵاتی هۆشیاربکاتەوە لەمەترسی مین و تەقەمەنی پاشماوەی جەنگی و پاراستنی گیانیان لەم مەرگە شاراوەیە. 
   لەچەند ساڵی رابردوودا دەزگای گشتی کاروباری مین وەک ئەرکی خۆی بە هاوکاری رێکخراوە نێودەڵەتیەکان و ووڵاتانی کۆمەک بەخش چاڵاكی لە ناوچە رزگاركراوەكانی ژێر دەستی داعش كە لەلایەن هێزی پێشمەرگەی كوردستان ئازادكران ئەنجامدا، بۆ ئەوەی ئاوارەکان بگەرێنەوە بۆشوێنەکانی خۆیان و جارێکی تر ژیان بگەرێتەوە بۆ ئەو ناوچانە.
   هەر لەم بۆنەیەشدا، بە پێویست دەزانین سوپاسی حکومەتی هەرێم بکەین کە تا ئێستا پشتگیری کردووین بۆ ئەوەی بەردەوامی بەو بەرنامەیە بدەین و ئومێدەوارین کە حکومەت پاڵپشتی زیاتری ئەم دەزگایە بکات تاکو بتوانین بە باشترین شێواز لەو ئەرکە پیروزە بەردەوام بین. وە ئێمە بەردەوام کاردەکەین لە سەر چاککردنی بارودۆخی ستافی کاروباری مین و تێدەکۆشین بۆ جێبەجێکردنی مافەکانیان. 
                                      هەر سەرکەوتوو سەرفراز بن....
دەزگای گشتی كاروباری مین
٤/٤/٢٠١٨



07/04/2018
بابەتی زیاتر...
       
© Copyright 2016 All Rights Reserved.
Telerik For IT Solutions