سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
هەواڵ
سەرۆكی دەزگای گشتی كاروباری مین لەگەڵ قونسوڵی ژاپۆن كۆدەبێتەوە


سەرۆكی دەزگای گشتی كاروباری مین  لەگەڵ قونسوڵی ژاپۆن كۆدەبێتەوە
2-7-2018دووشەم
وەفدێكی باڵای دەزگای گشتی كاروباری مین  بە سەرۆكایەتی بەرێز سیراج بارزانی  سەرۆكی دەزگای گشتی باروباری مین   بە یاوەری بەرێزان  جەمال جەلال بەرێوەبەری گشتی كاروباری مینی هەولێر و لێزمە فوئاد  بەرێوەبەری پەیوەندیەكان سەردانی  قونسوڵخانەی وڵاتی ژاپۆنیان  لە هەولێر كرد لە لایەن بەرێز مۆریاسۆ قونسوڵی ژاپۆن  پێشوازی كران
سەرەتا بەرێز سیراج بارزانی سوپاس و دەستخۆشی خۆی و دەزگای گشتی كاروباری مینی  ئاراستەی  باڵوێزخانەی ژاپۆن  لە بەغداد  و قونسوڵخانەی ژاپۆن  لە هەولێر و رێكخراوی (JICA) كرد  لەو هاوكاری و پاڵپشتیانەی كە راستەوخۆ و ناراستەوخۆ پێشكەشی دەزگای مین دەكەن، ناوبراو  رایگەیاند بەهۆی ئەو هاوكارییانەی وڵاتی ژاپۆن  بەشێك لەو گرفت و كێشانەی دەزگا هەیبووە لە راپەڕاندنی پرۆسەی پاكسازی   توانراوە كەمی بكەنەوە  پرۆسەكەش خێراتر بكرێت، چونكە دەزگای مین  خاوەنی ستافێكی  زۆر شارەزان لە بواری كاروباری مین و ئەزموونی دەیان ساڵەی كاركردنیان هەیە بەڵام لەرووی میكانیكەوە پێویستیان  بە  كەل و پەلی زیاترە  بۆ خێراكردنی پرۆسەی پاكسازی مین و تەقەمەنی لە هەرێمی كوردستان.  
لای خۆشیەوە بەرێز مۆریاسۆ گوتی "ئەوان بەردەوام دەبن لە هاوكاریكردنی دەزگای مین بەمەبەستی كەمكردنەوەی  كاریگەری مین و تەقەمەنی و  پاشماوە جەنگیەكان لە هەرێمی كوردستان بە ئامانجی پاراستنی گیانی هاوڵاتیان".
دواتر لەلایەن بەرێز سیراج بارزانی سەرۆكی دەزگای گشتی كاروباری مین   دیاری رێزلێنان بەخشرایە  قونسوڵی ژاپۆن ، بەرامبەر  ئەو هاوكاری و پشتیوانیەی وڵاتی ژاپۆن  لە بەرنامەی كاروباری مین   لە كوردستان  دەیكات
جێگەی ئاماژەیە  وڵاتی ژاپۆن یەكێكە لەو وڵاتە كۆمەك بەخشانەی كە هاوكاری بەرنامەی كاروباری مین دەكات    نزیكەی ملیۆنێك دۆلاری بۆ خێراكردنی پرۆسەی پاكسازی  مین  لە هەرێمی كوردستان  تەرخان كردووە.





02/07/2018
بابەتی زیاتر...
       
© Copyright 2016 All Rights Reserved.
Telerik For IT Solutions