سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
هەواڵ
​دەزگای گشتی كاروباری مین ئاماری كاروچالاكیەكانی 2018ی راگەیاند

دەزگای گشتی كاروباری مین ئاماری كاروچالاكیەكانی 2018ی راگەیاند
14\1\2018دووشەمە
دەزگای گشتی كاروباری مین  لە كۆنگرەیەكی رۆژنامەوانیدا ئاماری كاروچالاكیەكانی 2018ی رادەگەیەنێـت.
بەرێز سیراج بارزانی سەرۆكی دەزگای گشتی كاروباری مین لە كۆنگرەیەكی رۆژنامەوانیدا رایگەیاند" لەو ساڵەدا توانراوە (6،425،164)شەش ملیۆن و چوارسەد و بیست و پێنج هەزار و سەد وشەست و چوار مەتر دوجا، لە مین و تەقەمەنی پاكبكرێتەوە، كە خۆی لە 65كێڵگە مین دەدات، دوای پاككردنەوەشی رادەستی خاوەنەكانیان كراوەتەوە لە ئێستادا دەتوانرێت بۆ كاری ئاژەڵداری و كشتوكاڵ  و گەشتوگوزارو پرۆژەی وەبەرهێنان بەكار بهێندرێت.
ناوبراو ژمارەی ئەو مین و تەقەمەنیانەی كە لەرێگەی تیمەكانی مینلابەری دەزگای مین و رێكخراوەكانەوە لە ناوبراون و هەڵگیرراونتەوە لە كێڵگە مینەكان بە زیاتر لە 22بیست و دووهەزار مین و تەقەمەنی مەزەندە كرد كە مینی دژەكەسی و دژە تانك و پاشماوەی جەنگی لەخۆ گرتووە، كە هەر مین و تەقەمەنیەك مەترسی بووە بۆ سەر گیانی چەندین هاوڵاتی و گیانلەبەران "
بەرێز سیراج بارزانی دڵگرانی خۆی بە ژمارەی  زۆری شەهید و بریندارەكان  دەربڕی كە لە ساڵی2018 بەهۆی مین وتەقەمەنیەوە بوونەتە قوربانی و رایگەیاند "لەوساڵەدا(35)بەركەوتوو بە رووداوەكانی مین و تەقەمەنی تۆمار كراوە كە لەو ژمارەیە بەداخەوە (21)بیست و یەك كەس گیانیان لەدەستداوە و (14)ی تریش بریندار و كەم ئەندام بوون، لە ساڵی 2017 ژمارەكەی بریتی بوو لە 23قوربانی  كە بەشێكی قوربانیان  بۆ پابەند نەبوونی هاوڵاتیان  بە رێنماییەكانی دەزگای مین  دەگەرێتەوە كە سەرجەم كێڵگە مینەكان هێما و نیشانەی ئاگاداركردنەوەیان بۆ كراوە، بەڵام هاوڵاتی هەیە  پێیەوە پابەند نابێت و ناچار روداوی نەخوازراوی لێدەكەوێتەوە.بۆ ئەو مەبەستە دەزگای گشتی كاروباری مین  بەردەوام لە رێگەی بەرێوەبەرایەتی هۆشیاركردنەوە بەرنامەی هۆشیاركردنەوە بە هاوڵاتیان دەدات كە لەوساڵەدا زیاتر لە (170)سەدو حەفتا هەزار كەس  سودمەندبوون  لە بەرنامەی هۆشیاركردنەوە كە دەزگا بەبەردەوامی لە گوند و ئاواییەكان رێنمایی بۆ خەڵك بڵاودەكاتەوە كە نزیكی ناوچە مەترسیەدارەكان نەكەون بۆ ئەوەی ژیانیان پارێزراو بێت لە مەترسیەكانی مین و تەقەمەنی.
بەرێز سیراج بارزانی راشیگەیاند"لەوساڵەدا كۆمەڵێك كاری گرنگ كراوە لە دەزگا بۆ هاندانی مینلابەران، وەك راگەیاندنی مینلابەری نموونەیی مانگ كە مانگانە سێ مینلابەری چالاك لەسەر كۆمەڵێك پێوەر هەڵدەبژێردرێن و هاوكاری ماددی و مەعنەوی دەكرێت .




14/01/2019
بابەتی زیاتر...
       
© Copyright 2016 All Rights Reserved.
Telerik For IT Solutions