سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
هەواڵ
بەغداد/ دەزگای مین بەشداری مەڕاسیمی باڵوێزخانەی یابان دەكات

بەغداد/ دەزگای مین  بەشداری مەڕاسیمی باڵوێزخانەی یابان دەكات

7\4\2019یەك شەم: بەغداد

وەفدێكی دەزگا بە سەرۆكایەتی بەرێز سیراج بارزانی سەرۆكی دەزگای گشتی كاروباری مین و بەرێوەبەرە گشتیەكان بەشداریان كرد لە مەراسیمی كۆتایی هاتنی پرۆژەی پێدانی كەل و پەلی بواری پاكسازی مین كە لەلایەن وڵاتی یابان بەخشرایە عێراق و كوردستان  بۆ پێشخستن و بەرەوپێشبردنی كاروباری مین.


لە وتارێكدا كە لە مەڕاسیمەكە پێشكەشی كرد بەرێز سیراج بارزانی گوتی" بەناوی حكومەت و گەلی كوردستانەوە سوپاس وپێزانینمان بۆ خەڵك و گەلی یابان  هەیە بۆ بەخشینی  ئەو كەل و پەلانە بە دەزگای گشتی كاروباری مین  كە رۆلی  دەبێت لە خێراكردنی پرۆسەی پاكسازی مین  لە هەرێمی كوردستان و زیادكردنی  بەرهەمی دەزگا،بەشێك لەو گرفتانەش چارەسەر دەبن  كە بەهۆی نەبونی ئەو ئامێرانەوە هاتبوونە كایەوە وە كاریگەری نەرێنی خستبووە سەر  پرۆسەی مینلابەری  بەتایبەت   لە ماوەی قەیرانی دارایی  "

ناوبراو تیشكی خستە سەر ئەوەی كە " وڵاتی یابان  لە رووی راهێنانیشەوە یارمەتی دەربووە لە رووی رێكخستن و پاڵپشتی دارایی بۆ بەرزكردنەوەی ئاستی  توانای كارمەندانی  دەزگا. 


هەروەها  ناوبراو هیوای خواست  كە ئەو جۆرە هاوكاری و هەماهەنگیە  زیاتر برەوی پێ بدرێت لە نێوان وڵاتی یابان  و حكومەتی هەرێمی كوردستان "

لای خۆشیەوە  دكتۆر كامەران علی حەسەن بریكاری وەزارەتی تەندروستی و ژینگە تیشكی خستە سەر  ئەو باروبووەی  حكومەتی یابان  لە پێشكەشكردنی ئامێر و كەل و پەلی پێشكەوتوو بە هەماهەنگی رێكخراوی (UNOPS) بۆ فەرمانگەی كاروباری مینی بەغدای دابین كردووە. هەروەها ئاماژەی دا بە كێشەی مین و پاشماوەی جەنگی نەتەقاو بە هەموو جۆرەكانیەوە كە كێشەیەكی مرۆیی وڵاتی عێراق و كۆمەڵگەی نێودەوڵەتیە  بۆ پێشكەش كردنی دەستی  كۆمەك  و هاوكاری بۆ ئەو بەرنامەیە"

لە وتارێكیش دا  (ئەكیرا ئەكیدۆ) راسپێردراو(قائم بالاعمال)ی  باڵوێزخانە یابان  دوپاتی  كردەوە لە هاوكاری كردنی  كاروباری مین  لە عێراق و كوردستان  

ناوبراو گوتی  ئەو پرۆژەیەش لە چوارچێوەی هەوڵەكانی  وڵاتی یابانە  بۆ بەردەوام بوون لە هاوكاری كردنی هەردوولایەنی (دەزگای مین و فەرمانگەی كاروباری مینی بەغدا) بە ئامانجی كەمكردنەوەی كاریگەری مین و پاشماوەی جەنگی لە سەر هاوڵاتیانی عێراق و كوردستان .

لە كۆتاییشدا بەرێز سیراج بارزانی سەرۆكی دەزگای گشتی كاروباری مین دیاری رێز لێنانی بەخشیە هەریەك لە(ئەكیرا ئیندۆ) راسپێردراو(قائم بالاعمال)ی  باڵوێزخانە یابان و داراتەل بەرێوەبەری پرۆژە لە (UNOPS) و عەلی روبەیعی .

  جێگەی ئاماژەیە  وڵاتی یابان  لەڕێگەی پرۆژەیەكەوە هەڵسا بە دابین كردنی ژمارەیەك ئۆتۆمبێل و كەل و پەلی مینلابەری و ئامێری (GPS) و لاپتۆپ  چاپكەری گەورو بچوك لەگەڵ چەند  پێداویستیەكی تر بۆ راپەراندن و خێراتركردنی كاروباری مین لە عێراق و كوردستان






08/04/2019
بابەتی زیاتر...
       
© Copyright 2016 All Rights Reserved.
Telerik For IT Solutions