سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
هەواڵ
​مینێك هاوڵاتیەكی كردە قوربانی

مینێك هاوڵاتیەكی كردە قوربانی


لە  روداوێكی تەقینەوەی مینێك هاوڵاتیەك بە ناوی محمد حمەصالح لە دایكبوی ساڵی ۱۹٥۲ كە خاوەنی ۷ سەر خێزان و دانیشتوی گەرەكی رزگاری قەزای پێنجوێنە لە ناوچەیەكی میینرێژكراو بە ناوی شاخی كەچەڵی لە كاتژمێری ۱٠ ی پێش نیوەرۆی رۆژی شەمە ۱۱/ ٥ بە هۆی تەقینەوەی مینێكی ڤاڵماراوە گیانی لە دەستداوە لە كاتی كۆكردنەوەی بەروبوومی گیای خۆرسك دوا بە دوای بیستنی تەقینەوەكە هاوكات برازایەكی بۆ رزگاركردن و بە هانەوە چوونی ئەویش لە نێو كێڵگە مینەكەدا گیر دەخوات بە هۆی زۆری مینەكانەوە هەر ئەوەندەی بۆ دەكرێت داوای فریاگوزاری رزگاركردن بكات لە گەڵ گەیشتنی هەواڵەكە بەرێوەبەرایەتی گشتی كاروباری مینی سلێمانی مەبەستی بەهاناوە چوون و رزگاركردنی هاوڵاتی و قوربانیەكە ئەگەر چی شەمە پشووی فەرمی بوو بەڵام تیمەكانی كارمەندانی مینلابەری دەستی قەزای پێنجوێن بە تایبەتی تیمی ۱٤ و چەند ستافێكی تیمی ۱٥ بەشداریانكردووە كە سەر بەبەرێوەبەرایەتی  گشتی مینی سلێمانین بە سەر پەرشتیكردنی بەرپرسی تیمەكانی مینلابەری دەستی و تەقاندنەوە لە كاتژمێری ۱ ی دوای نیوەرۆو دەستبەكاربوون لە رزگاركردنی هاوڵاتیەك و دەرهێنانی قوربانیەكە كە پرۆسەكەزیاتر لە پێنج كاتژمێری خایاندووە بە هاوكاری پاڵپشتیكردنی پۆلیس لە ناوچەیەكی پر لە مەترسی كە ئەمەش یەكەمجار نیە لەو جۆرە بارودۆخ و رووداوانا رووبدات بە تایبەتی لە رۆژانی پشوودا ئەوەی شایەنی باسە هەمیشە كارمەندانی مین لە پێناو پاراستن و سەلامەتی هاوڵاتیان مەرگی خۆیان خستۆوتە پێش مەرگی هاوڵاتیانەوە بە پاككردنەوەی خاكی كوردستان بێت یا رزگاركردنی هاوڵاتیان لە كاتی گیرخواردن و كەوتنە نێو كێڵگە مینەكانەوە
دەزگای گشتی كاروباری مین لە رێگەی بەرێوەبەرایەتی هۆشیاركردنەوە بەردەوام  پەیام و هۆشداری دەدەنە هاوڵاتیان   نزیكی ناوچە مەترسی دارەكان نەكەون تا لە لایەن  دەزگای مینەوە پاك دەكرێتەوە
بەشێكی قوربانیانیش بەهۆی پابەند نەبونیانە بە رێنمایی و پەیامەكانی دەزگای مین  گیانی خۆیان دەخەنە مەترسی .



12/05/2019
بابەتی زیاتر...
       
© Copyright 2016 All Rights Reserved.
Telerik For IT Solutions