سەرەکی   |    دەربارە   |    پەیوەندی   |    ئەرشیف
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت.
  • - لە کاتی گەڕانەوە بۆ زێدی خۆتان، بەردەوام ئامۆژگاری منداڵەکانتان بکەن و چاودێری جموجٶل و گەڕان و سوڕانیان بکەن
  • - مەچۆرە ناو هیچ خانوویەك یان باڵەخانەیەك تاوەکو دڵنیانەبیت کە لەلایەن تیمە پسپۆڕەکانەوە پشکێنرابێت یان پاكکرابێتەوە
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • - بەر لە چوونت یان گەڕانەوەت بۆ ناوچەیەك کە شەڕی تێدا روودابێت یان تازە ئازادکرابێت، پێویستە پەیوەندی بە دامودەزگا حکومییە پەیوەندیدارەکان بکەیت
  • -هاوڵاتی بەرێز بۆ هیچ مەبەستێك نزیكی ناوچە پیسبووەکان بە (مین، تەقەمەنی یان بۆمبی چێنراو) مەكەوە.
هەواڵ
​دەزگای گشتی كاروباری مین ئاماری كاروچالاكیەكانی 2019ی راگەیاند

دەزگای گشتی كاروباری مین ئاماری كاروچالاكیەكانی 2019ی راگەیاند

27\1\2020دووشەمە / هەولێر

دەزگای گشتی كاروباری مین  لە كۆنگرەیەكی رۆژنامەوانیدا ئاماری كاروچالاكیەكانی 2019ی رادەگەیەنێـت.
بەراود بە ساڵی پێش خۆی  دەزگای گشتی كاروباری مین كاروبەرهەمی لە رووبەری پاككراو و ژمارەی مین  و تەقەمەنی  لەناوبراو نزیكەی بۆ دووهێندە زیاد كردووە، هەروەها ژمارەی شەهید و كەم ئەندام بوون بە  مین و تەقەمەنی لە چاو ساڵی پێش خۆی رووی لە كەم بوونەوە كردووە.
بەڕێز سیراج بارزانی سەرۆكی دەزگای گشتی كاروباری مین لە كۆنگرەیەكی رۆژنامەوانیدا رایگەیاند" لەو ساڵەدا توانراوە (10,424,032)2دەملیۆن وچوارسەد و بیست و چوار هەزار و سی ودوو مەتر دوجا، لە مین و تەقەمەنی پاكبكرێتەوە، كە (179)كێڵگە مین و شەڕگە دەگرێتەوە، دوای پاككردنەوەشی رادەستی خاوەنەكانیان كراوەتەوە، لە ئێستادا دەتوانرێت بۆ كاری ئاژەڵداری و كشتوكاڵ  و گەشتوگوزارو پرۆژەی  ئابووری و وەبەرهێنان بەكار بهێندرێت.
ناوبراو ژمارەی ئەو مین و تەقەمەنیانەی كە لەرێگەی تیمەكانی مینلابەری دەزگای مین و رێكخراوەكانەوە لە ناوبراون و هەڵگیراونەتەوە لە كێڵگە مینەكان، بە نزیكەی  (28)بیست و هەشت هەزار مین و تەقەمەنی مەزەندە كرد، كە مینی دژەكەسی و دژە تانك و تەقەمەنی سەرپێی(IED) و پاشماوەی جەنگی لەخۆ گرتووە، كە هەر مین و تەقەمەنیەك مەترسی بووە بۆ سەر گیانی چەندین هاوڵاتی و گیانلەبەران "
بەرێز سیراج بارزانی دڵگرانی خۆی بە ژمارەی شەهید و بریندارەكان  دەربڕی كە لە ساڵی2019 بەهۆی مین وتەقەمەنیەوە بوونەتە قوربانی و رایگەیاند "لەوساڵەدا (22)بەركەوتوو بە رووداوەكانی مین و تەقەمەنی تۆمار كراوە، كە لەو ژمارەیە بەداخەوە (8)هەشت كەس گیانیان لەدەستداوە و (14)ی تریش بریندار و كەم ئەندام بوون، خۆشبەختانە  ژمارەكە بەراورد بە ساڵی پێش خۆی كەمی كردووە، كە لە ساڵی 2018 ژمارەكەی بریتی بوو لە (35)قوربانی، كە بەشێكی قوربانیان  بۆ پابەند نەبوون بە رێنماییەكانی دەزگای مین  دەگەڕێتەوە كە سەرجەم كێڵگە مینەكان هێما و نیشانەی ئاگاداركردنەوەیان بۆ كراوە، بەڵام هاوڵاتی هەیە  پێیەوە پابەند نابێت و ناچار روداوی نەخوازراوی لێدەكەوێتەوە.
بەرێز سیراج بارزانی راشیگەیاند"لەوساڵەدا كۆمەڵێك كاری گرنگ كراوە لە دەزگا بۆ هاندانی مینلابەران،یاسای ماف و ئیمتیازات ئاراستەی پەڕلەمانی كوردستان كراوە  بۆ خوێندنەوەی خستنە بەرنامەی كاری پەڕلەمانیەوە  بەو هیوایەن لەوساڵەدا بكەوێتە بواری جێ بەجێ كردنەوە.
هەر لە كۆنگرە  رۆژنامەوانیەكە بەرێز عوبێد ئەحمەد بەرێوەبەری گشتی كاروباری تەكنیكی رایگەیاند" لەوساڵە دا توانراوە لە رێگەی بەرێوەبەرایەتی هۆشیاركردنەوە، نزیكەی لە (165)سەدو شەست و پێنج هەزار كەس  سودمەندبن  لە بەرنامەی هۆشیاركردنەوە، كە دەزگای مین بە بەردەوامی لە گوند و ئاواییەكان رێنمایی بۆ خەڵك بڵاودەكاتەوە كە نزیكی ناوچە مەترسیەدارەكان نەكەون بۆ ئەوەی ژیانیان پارێزراو بێت لە مەترسیەكانی مین و تەقەمەنی" ناوبراو ئەوەشی خستە روو كە ژمارەی  چاودێرانی دڵنیایی جۆری بۆ كێڵگە مینەكان  بریتی بووە بۆ نزیكەی3000سێ هەزار سەردانی كردن بەمەبەستی  پابەندبوونی مینلابەران و پاراستنی گیانیان لە مەترسیەكانی مین و تەقەمەنی و روداوی نەخوازراو."

جێگەی ئاماژەیە  رووبەری پیسبوو بە مین و تەقەمەنی  لە كوردستان زیاد لە (776)2میلۆن مەتر دووجا بووە، دەزگای گشتی كاروباری مین بەهاوكاری رێكخراوە ناوخۆیی و نێو دەوڵەتیەكان توانیوویەتی رووبەرێكی فراوان پاك بكاتەوەو  تەنها(257)میلۆن مەتر دووجا ماوە پاكبكرێتەوە  تیمەكانی مینلابەری رۆژانە بەبەردەوامی كاری پاكسازی لە كێڵگە مینەكان دەكەن بۆ پاككردنەوەی خاكی كوردستان لە مەترسیەكانی مین  و تەقەمەنی و پاراستنی گیانی هاوڵاتیان.  




27/01/2020
بابەتی زیاتر...
       
© Copyright 2016 All Rights Reserved.
Telerik For IT Solutions